Primeira proba do novo teclado

Estamos  a probar o novo teclado  para Android que  acabamos  de baixar do choio que ese que ven de chamarse algo  como play non sei cantos.

Advertisements

e mentres agardamos

… imos facendo probas.  Porque en probas estamos, sempre.

Castro de Elviña, xacemento aberto

Xacemento aberto. Como ciruxanos da historia abrimos o corpo do Castro de Elviña, escavámolo, para coñecer o seu pasado, o noso pasado. Pero tamén está aberto para vostedes, porque a arqueoloxía como actividade, e os fondos que a ela se adican, non ten senso se non pode ser contemplada, coñecida, comprendida e gozada pola cidadanía a quen pertence.

Esta non é unha páxina oficial. É un primeiro intento de pór a disposición de todos, por parte da equipa que está a traballar en Elviña, neste medio aínda novo e tan cambiante que é a rede, o xacemento e a intervención que sobre él estamos a realizar.

Temos a espranza de sermos no campo menos torpes que por aquí. De momento abrimos, e ben contentos que estamos de ser quen de facelo.

Abrimos, e facémolo con esta imponente foto de J.M. Vázquez Caruncho, o noso fotógrafo de cabeceira, na que luce baixo un sol que se nos nega a entrada W ó recinto superior, a croa, rodeada por unha muralla de máis de catro metros e medio de groso e que debeu contar, no seu tempo, con outro tanto de altura polo menos.

Xa estamos en ruta. O resto do camño andarémolo ós poucos e, se vostedes queren, na súa compaña.

¿Imos aló?

¿Qué podes facer aquí?

Estamos na páxina de inicio. Dende ela podes acceder a diferentes lugares nos que atoparás, se somos quen de conseguilo, informacións sobre o castro e as nosas intervencións. Entre outras:

• un mapa/foto aérea (en GoogleMaps), gracias a Luar na Fraga
• cómo visitar o Castro
• facer unha visita virtual
  
• o día a día da campaña de escavación en curso (no noso blog)
• presentación da equipa de traballo
• artículos publicados sobre o Castro de Elviña

Por suposto, podes enviarnos as túas suxerencias para millorar este intento de comunicación que, entre todos, iremos construindo.